కూలిన "వెలుగు"

తెలుగు వెలుగుల కోసం
వెలుగుల తెలుగు జాతి కోసం
మీరు మీ జీవితాలనే ధార పోశారు
మేము  మాత్రం మిమ్మల్ని రోడ్డుకు లాగాం
ఉద్వేగాలతో మీ మహత్తుని విస్మరించి
మీకు ప్రాంతీయ రంగుల్ని పులిమి
కసితీరా మిమ్మల్ని కూలగొట్టాం
హుస్సెన్ సాగర్ లో నిమజ్జనం చేశాం
మా వికృత దాహాన్ని తీర్చుకున్నాం
తెలుగు జాతి గౌరవాన్ని
రౌరవాది నరకాల్లోకి విసిరేసాం
ఎవరు గాయపడినా మాకు లెక్క లేదు
మా ఉద్వేగాలు చల్లారితే... 
మా ఉద్దేశాలు నెరవేరితే
మాకు చాలు...