కోల్ద్ వార్

మిత్రులారా.... భార్యాభర్తల మధ్య అడ్డుగోడల్లా నిల్చే కొన్ని అనవసర సందర్భాలు, ఈగో కారణంగా పెరగడం, ఆనక సద్దు మణిగే విధానం తెలుపుతూ రచయిత శ్రీ కోడూరి విజయకుమార్ గారు రాసిన కోల్ద్ వార్ కవిత అద్భుతం గా ఉంది.. కావాలంటే మీరు ఓ సారి చదివి చూడండి. చదివాక ఆయనకు దూరవాణి ద్వారా అభినందించడం మరవకండి...   

బాపు

బక్క పలుచనయ్య
బోసినవ్వు  తాతయ్య
అహింస ఆయుధమయ్య
స్వరాజ్యము తెచ్చెనయ్య

వెలుగు కళ్ళ బాపు
బానిసత్వము బాపు
ప్రుథివి ఉన్నంత సేపు
భారతీయుని ఊపు

జాతినంతను మేలుకొలిపి
తెల్ల జాతిని తరిమికొట్టి
విజయుడై నిలిచినాడు మహాత్మ
విస్మరించదు ఆ భారతీయుని ఆత్మ

మూడు రంగుల జండానందు
ముచ్చటై నిలుచునెందు  
శాంతి దూతగా జాతిపితగా
వెయ్యేళ్ళు అవనిపై వెలుగొందు

చిన్నీలు

సూర్యుడు కూడ
చొరలేని
చీకటి
అజ్ఞానం

అద్దం చూపించలేని
అందం
మన మనస్సు

వేదిక

ఆదివారం ప్రజాశక్తి దినపత్రిక వేదిక లో నేను ఉత్తరాల రూపంలో రాసే అభిప్రాయాలను ఇక్కడ మీరు చదవవచ్చు

ఉగాది

చిరునవ్వుల సిరిమువ్వలు
వేపపూల సోయగాలు
శుభలేఖల శశిరేఖలు
లేత మావి తోరణాలు
సామవేద సుస్వరాలు
కోయిలమ్మ పాటలు
వేదాలకు భాష్యాలు
పచ్చడిలో ఆరు రుచులు
కలబోసిన సంబరం
విరబూసిన వసంతం
ప్రతి గూటికి ఆనందం  
ప్రతి గుండెకు సంతోషం ...

గురు భోగి

బోధించే గురువులెల్ల భోగిమంటలే
చలి చీకటి తరిమికొట్టు అగ్ని శిఖలే
విజ్ఞానపు వెచ్చదనం పంచే పరమాత్ములే
భొగాలను అంధించే మహాభోజులే

'మహి' మాన్విత మూర్తులు

జన్మనిచ్చిన ఆమ్మకు
పురుడు పోసిన నరుసమ్మకు
కాపిన ముసలమ్మకు
ఎత్తుకొని బుజ్జగించిన ఆయమ్మకు
బాలసారె చేసిన అమ్మమ్మకు
తొలి అన్నం ముద్ద పెట్టిన నాయనమ్మకు
జీవితాన్ని దిద్దిన గురువమ్మకు
తొలి గిలిగింతలు పెట్టిన గృహిణమ్మకు 
ఇలా బతుకు పొడవునా ఎదురైన
ఎందరో మహికే పుట్టిన
మహిమాన్విత మూర్తులు మహిళలు
అందరికీ మహిళా దినోత్సవ శుభాకాంక్షలు ...